Automobilismo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L'automobilismo ye o conchunto de conoiximientos arredol d'o mundo de l'auto, ye decir, a evolución, a fabricación, a traza de funcionar y a conducción d'os autos. O termin tamién incluye l'emplego esportivo y as competicions d'autos.

Ye un esporte con a saber-los seguidors, estando a Formula 1 y as competicions NASCAR y Formula Indy (istas, en Estaus Unius) una d'as estrelas d'as retransmisions esportivas por televisión. Ye un esporte mas que mas tecnolochico, en estar as innovacions tecnolochicas en os autos d'os corredors un elemento d'importancia vital en o desembolique d'as cursas automobilisticas. Cal parar cuenta que muitas d'ixas innovacions s'emplegan en primeras en o mundo d'as competicions, pero que dimpués revierten en milloras en os autos d'emplego cutiano. As reglas d'iste esporte son establitas y modificatas por a Federación Internacional de l'Automóbil (FIA).